काठमाडौं । पूर्वेली लोक लयमा तयार पारिएको गीत ‘दिलको दरवार’ क्लासिक म्युजिकको अफिसियल युट्युब च्यानलबाट सार्वजनिक भएको छ । सार्वजनिक गीतमा परेस राई र कुशुम गुरुङको स्वर रहेको छ ।
मिश्रा गुरुङको रचना रहेको सो गीतमा पुर्वेली लोक संस्कृति, किराँती जनजीवन (राई/लिम्बु) लाई चित्रणको परम्परागत लोक सभ्यतालाई देखाइएको छ । गीतमा संगीतकार शशी गुरुङले संगीत भरेका छन् ।
पुर्वेली लोकजीवन र रहनसहनलाई माया प्रेमसँग फ्युजन गरेर उत्पादन गरिएको यो भिडियोलाई सनम तामाङको छायाँकन, अर्जुन खड्काको सम्पादन तथा अनिल थुलुङ्ग राईको कोरियोग्राफी तथा निर्देशन भिडियोमा छ ।
गीतको भिडियोमा मिन गुरुङ, अनुशा साङ्गपाङ्ग राई, आशिस लिम्बु र सलिना भुजेलको अभिनय रहेको छ । गीतको एरेन्जमा राजु कार्कीले सहयोग गरेका छन् ।
